【轉會假設論】約基利斯「攻亭劇」

【Now Sports】瑞典當紅中鋒約基利斯要求今夏離隊，但士砵亭叫價令各大豪門唔敢去馬？

啱啱27歲生日嘅約基利斯（Viktor Gyokeres）近兩季喺士砵亭表現出色，特別係歐聯表現，吸引各大急需中鋒嘅豪門注意。當中阿仙奴同曼聯對佢嘅興趣傳得最熱烈，而祖雲達斯甚至沙特阿拉伯球隊都話想簽，不過似乎無論去邊，都冇咁容易成事喎。

事關早前傳出士砵亭同約基利斯傾好，只要有球隊出價6500萬歐元就可以轉會，最新報道係話宜家呢個「君子協定」已經唔存在。消息話雖然士砵亭嘅要求低過違約條款嘅1億歐元，但約基利斯擺明對球會操作唔高興。

27歲通常係開始進入生涯最高峰嗰幾年，約基利斯想走都正常。無論係為咗更高人工，定係想爭取更高榮譽，包括喺世界盃年爭取瑞典國家隊正選位置，一個球員想喺最高水平挑戰自己都好合理。不過簽咗約就係簽咗，士砵亭為爭取最大利益亦無可厚非，近年葡超三巨頭都係低買高賣嚟維持競爭力。

講到底，都係要睇下約基利斯有幾大吸引力，令各大豪門落手埋單。

撰文：亞設
法比斯奧追蹤者

利物浦鬥白禮頓 沙拿又任後備

35分鐘前

【英超點將】馬度亞基雙翼齊飛

1小時前

棄將變大敵 迪斯貝利賀爾巔峰中撼「車」

4小時前

經典Triple Touch！專屬福「利」留給三笘薰？

8小時前

加比爾睇老竇踢波都火起？

9小時前